పోర్న్ చిత్రాల కేసులో అరెస్టు అయిన వ్యాపారవేత్త రాజ్కుంద్రా ఇవాళ ఉదయం ముంబైలోని ఆర్థర్ రోడ్డు జైలు నుంచి విడుదలయ్యారు. పోర్నోగ్రఫీ కేసులో నిన్న ముంబై కోర్టు ఆయనకు బెయిల్ మంజూరీ చేసిన విషయం తెలిసిందే. ఈ కేసులో రూ.50,000 ష్యూరిటీతో ముంబై కోర్టు ఆయనకు సోమవారం బెయిలు మంజూరు చేసింది. ముంబైలోని ఓ అపార్ట్మెంట్లో అశ్లీల వీడియోలను షూట్ చేసి.. ఓ యాప్ ద్వారా వాటిని అప్లోడ్ చేసినట్లు రాజ్కుంద్రాపై ఆరోపణలు ఉన్నాయి. ఇవాళ ఉదయం 11.30 నిమిషాలకు రాజ్కుంద్రా జైలు నుంచి బయటకు వచ్చారు. కుంద్రాకు బెయిల్ మంజూరైన కొద్ది గంటలకే శిల్పాశెట్టి ఆ విషయాన్ని నేరుగా ప్రస్తావించకుండా ‘’గ్రహణం వీడితే మళ్లీ మంచిరోజులు వస్తాయనడానికి సంకేతమే ఇంద్రధనుస్సు’’ అంటూ ఓ ట్వీట్ చేసింది.పోర్న్ చిత్రాల కేసులో సుమారు రెండు నెలల క్రితం రాజ్ కుంద్రా అరెస్టు అయ్యారు. ఈ కేసులో విచారణ పూర్తయి, చార్జిషీటు దాఖలు చేసినందున తన కు బెయిలు మంజూరు చేయాలని శనివారంనాడు ఆయన కోర్టును అభ్యర్థించారు. ఈ కేసులో తనను బలిపశువును చేశారని, కేసులో తప్పుగా ఇరికించారని, పోర్న్ చిత్రాల షూటింగ్లో తన ప్రమేయం ఉన్నట్టు ఎలాంటి సాక్ష్యాలు లేకున్నా తనపై చార్జిషీటు దాఖలు చేశారని బెయిల్ అభ్యర్థనలో రాజ్కుంద్రా పేర్కొన్నారు.