ముంబై: ప్రముఖ బాలీవుడ్ నటుడు గుఫి పైంతాల్ (79) కన్నుమూశారు. గత కొన్ని రోజులుగా అనారోగ్యం, వృద్ధాప్య సమస్యలతో బాధపడుతున్న ఆయన ముంబైలోని ఓ ఆసుపత్రిలో చికిత్స పొందుతూ మరణించారు. పైంతాల్ మహాభారత్ సీరియల్లో ‘శకుని మామ’ పాత్ర పోషించి ప్రేక్షకుల్లో విశేష గుర్తింపు తెచ్చుకున్నారు. అనేక హిందీ సినిమాలు, సీరియళ్లలోనూ నటించారు. గుఫి పైంతాల్ మృతిపట్ల సినీ, రాజకీయ ప్రముఖులు సంతాపం వ్యక్తం చేశారు.
